មីជាតិសាច់ជ្រូក ស្ងោររំស្ពៃ
មុខម្ហូបទី៧ មានឈ្មោះថា “មីជាតិសាច់ជ្រូក ស្ងោររំស្ពៃ”
គ្រឿងផ្សំ៖
• មីជាតិសាច់ជ្រូកចិញ្ច្រាំ ១ កញ្ចប់
• ទឹក ៣៥០មីលីលីត្រ ទឹក ៣៥០មីលីលីត្រ (350ml)
• ស្ពៃក្តោប ៣បន្ទះធំ
• ស្លឹកខ្ទឹម ៣សរសៃ
• សាច់ជ្រូកចិញ្ច្រាំ ១ខាំ (100g)
• ជីវ៉ាន់ស៊ុយ ២ដើម
• ម្រេចម៉ត់ (សម្រាប់ដាក់ពេលញ៉ាំ)
របៀបចម្អិន៖
ឥឡូវ យើងមកមើលរបៀបចម្អិនទាំងអស់គ្នា៖
• ជាដំបូង យើងប្រឡាក់សាច់ជ្រូកចិញ្ច្រាំ100g ដោយលាយជាមួយគ្រឿងស៊ុបមីជាតិ រសជាតិសាច់ជ្រូកចិញ្រ្ចាំ តិចជាងពាក់កណ្តាលកញ្ចប់
• បន្ទាប់មក យើងដាំទឹក 350ml អោយពុះ ហើយដាក់ស្ពៃក្តោបទាំងបន្ទះធំៗ 3សន្លឹក និងស្លឹកខ្ទឹមចូលក្នុងទឹក
• យើងស្រុះស្ពៃមួយសន្ទុះ អោយវាស្លោកល្មម រួចស្រង់យកចេញដាក់អោយស្ងួតទឹក
• យើងយកស្លឹកខ្ទឹម ៣សរសៃទៅស្រុះក្នុងទឹកមួយសំបក់ ល្មមអោយវាទន់និងស្វិត រួចសឹមយកចេញ
• រួចមក យើងយកស្ពៃដែលស្រុះមករំសាច់ជ្រូកចិញ្ច្រាំ ហើយប្រើស្លឹកខ្ទឹមចង រួចដាក់ក្នុងទឹកពុះ
• បន្ទាប់មកទៀត យើងដាក់ប្រេងរសជាតិ និងគ្រឿងស៊ុបមីជាតិ រសជាតិសាច់ជ្រូក ដែលនៅសល់ចូលទឹកពុះទាំងអស់
• ជាចុងក្រោយ យើងដាក់ស្ពៃចំអិនប្រហែល 5នាទី រួចដាក់មីជាតិចូលជាការស្រេច។
បន្ទាប់ពីចម្អិន!
ដើម្បីអោយម្ហូបមានក្លិនឈ្ងុយ យើងអាចបន្ថែមជីវ៉ាន់ស៊ុយនិងម្រេចម៉ត់មុនទទួលទាន។ យើងសង្ឃឹមថាបងប្អូន នឹងចូលចិត្តមុខម្ហូបជាមួយមីជាតិ ហើយកុំភ្លេចតាមដានការចម្អិនក្រោយៗទៀត។
Eps7: 《មីជាតិសាច់ជ្រូក ស្ងោររំស្ពៃ》
តោះ! ដល់ម៉ោងរៀនធ្វើម្ហូបឆ្ងាញ់ៗជាមួយ Master Chef កញ្ញា ទៀតហើយសំណប់ចិត្តទាំងអស់គ្នា។ ក្នុងសប្តាហ៍នេះយើងសូមណែនាំមុខម្ហូបពិសេសទី៧របស់យើងគឺ "មីជាតិសាច់ជ្រូក ស្ងោររំស្ពៃ"។ តើចង់ដឹងដែរឬទេថាមុខម្ហូបថ្មីរបស់យើងនេះមានលក្ខណៈពិសេស និងមានរសជាតិឆ្ងាញ់បែបណានោះ? ដូច្នេះកុំភ្លេចយកសៀវភៅនិងប៊ិច ដើម្បីកត់រូបមន្តហើយសាករៀនធ្វើទាំងអស់គ្នាណា!#អាថ៍កំបាំងមីជាតិ
Posted by មីជាតិ – Mee Chiet on Thursday, May 28, 2020