មីជាតិនាំយកសម្ភារៈសម្រាប់ធ្វើអនាម័យ និងមីជាតិចែកជូនមណ្ឌលកុមារកំព្រា
មីជាតិបាននាំយក ឧបករណ៍វាស់កម្តៅ ទឹកអាល់កុល សាប៊ូលាងដៃ ម៉ាស់ និងមីជាតិចំនួន១២០កេស ចែកជូនអង្គការសុខមាលភាពសង្គមកម្ពុជា ដែលជាមណ្ឌលកុមារកំព្រា និងកុមារក្រីក្រក្នុងរាជធានីភ្នំពេញ នៅថ្ងៃទី០៣ ខែមេសា ឆ្នំា២០២០។
ក្រៅពីនាំយកអំណោយខាងលើ ក្រុមការងារមីជាតិ ក៏បានបង្ហាញអំពីរបៀបពាក់ម៉ាស់ និងរបៀបលាងដៃឲ្យបានត្រឹមត្រូវ ដើម្បីការពារខ្លូនពីការឆ្លងមេរោគនានា ដល់តំណាងកុមារក្នុងអង្គការផងដែរ។
មីជាតិនាំយកសម្ភារៈសម្រាប់ធ្វើអនាម័យ និងមីជាតិចែកជូនមណ្ឌលកុមារកំព្រា
មីជាតិនាំយកសម្ភារៈសម្រាប់ធ្វើអនាម័យ និងមីជាតិចែកជូនមណ្ឌលកុមារកំព្រា
លោកជុនហៀង ថាវសិទ្ធិ ប្រធានគ្រប់គ្រងទីផ្សារ ក្រុមហ៊ុនមីជាតិ បានមានប្រសាសន៍ថា «មីជាតិ នាំយកអំណោយទាំងនេះ ពីព្រោះ មីជាតិចង់ចូលរួមចំណែកជួយទប់ស្កាត់ការរីករាលដាល វីរុសកូវីដ១៩ក្នុងប្រទេសកម្ពុជា ក្នុងកាលៈទេសៈនេះ ជាពិសេសក្មេងៗក្នុងមណ្ឌលកុមារកំព្រា និងកុមារក្រីក្រ ដែលកំពុងខ្វះខាតជំនួយទំាងនេះ។»
លោកបន្តថា «អំណោយទាំងនេះ បានមកពីមូលនិធី «មីជាតិ» ដែលទទួលបានពីការគាំទ្រពីអតិថិជនមីជាតិ និងការលើកទឹកចិត្តយ៉ាងខ្លាំងពីរាជរដ្ឋាភិបាលកម្ពុជា គឺមានន័យថាយើងតែងដកយកថវិកាមួយផ្នែកដែលបានពីការលក់មីជាតិ ដើម្បីជួយដល់សង្គមខ្មែរ ក្រោមគោលការណ៍ «ខ្មែរ ដើម្បីខ្មែរ»។
មីជាតិនាំយកសម្ភារៈសម្រាប់ធ្វើអនាម័យ និងមីជាតិចែកជូនមណ្ឌលកុមារកំព្រា
មីជាតិនាំយកសម្ភារៈសម្រាប់ធ្វើអនាម័យ និងមីជាតិចែកជូនមណ្ឌលកុមារកំព្រា
លោក ណី សាកល អគ្គនាយកអង្គការសុខមាលភាពសង្គម បានឲ្យដឹងថា «អំណោយពីមីជាតិ ក្នុងពេលនេះ គឺជាអ្វី ដែលអង្គការត្រូវការចាំបាច់ និងកំពុងស្វែងរកម្ចាស់ជំនួយស្រាប់ ហើយការចូលរួមចំណែកនេះ ពិតជាបានបង្ហាញពីសណ្តានចិត្តដ៏ល្អរបស់មីជាតិ ដល់ក្មេងៗទាំងអស់ដែលកំពុងស្នាក់នៅក្នុងអង្គការ។»
បច្ចុប្បន្ន កុមារសរុប ៥៨នាក់ ដែលក្នុងនោះមានស្រី ២៥នាក់ និងប្រុស៣៣នាក់ កំពុងស្នាក់អាស្រ័យក្នុងអង្គការសុខមាលភាពសង្គម ដោយទទួលបានការផ្គត់ផ្គង់ជា អាហារ កន្លែងស្នាក់នៅ សម្លៀកបំពាក់ និងសម្ភារៈសិក្សា។
នេះមិនមែនជាលើកទី១ទេ ដែលមីជាតិ ចូលរួមក្នុងសកម្មភាពសង្គម ដែលកន្លងមកមីជាតិ ក៏បានផ្តល់អំណោយសប្បុរសធម៌ដល់ប្រជាជនក្រីក្រក្នុងរាជធានីភ្នំពេញ និងក្នុងស្រុកកោះសូទិន បរិច្ចាគទៅឲ្យកម្មវិធីសប្បុរធម៌នានា និងចូលរួមក្នុងការជំរុញឲ្យមានការបរិច្ចាគឈាមដោយស្ម័គ្រចិត្តផងដែរ។
គួរបញ្ចាក់ផងដែរថា មីជាតិ គឺជាផលិតផលមីកញ្ចប់របស់ខ្មែរ ផលិតដោយខ្មែរ ដែលចាប់ផ្តើមមានវត្ថមានក្នុងទីផ្សារកម្ពុជានៅចុងឆ្នាំ២០១៩។ មីជាតិ មានបីរសជាតិ គឺរសជាតិសាច់ជ្រូកចិញ្រ្ចាំ រសជាតិស៊ុបមាន់ និងរសជាតិខគោ ដែលត្រូវបានផលិតដោយប្រើប្រាស់ម៉ាស៊ីនជប៉ុន និងបច្ចេកវិទ្យាជប៉ុនទំនើបចុងក្រោយបង្អស់។
មីជាតិនាំយកសម្ភារៈសម្រាប់ធ្វើអនាម័យនិងមីជាតិជូនមណ្ឌលកុមារកំព្រា!
ការចែករំលែកក្តីស្រលាញ់ ការបារម្ភ ការការពារ វាគឺជាអ្វីដែលក្រុមហ៊ុនមីជាតិតែងតែធ្វើ ជាពិសេសក្នុងពេលវេលាដែលបងប្អូនប្រជាជាតិយើងកំពុងត្រូវការជំនួយ!
Posted by មីជាតិ – Mee Chiet on Tuesday, April 7, 2020