មីជាតិ៖ ជិះកាត់ចូលទិញ ចូលរួមបង្ការកូវីដ១៩
ងាយៗ ជិះកាត់ ចូលទិញ មិនចាំបាច់ចុះពីយានយន្ត និងចូលរួមបង្ការជំងឺកូវីដ១៩។
ក្រុមហ៊ុនមីជាតិ បានរៀបចំកម្មវិធីថ្មីពិសេសដើម្បីសម្រួលទៅដល់ការជាវមីជាតិក្នុងអំឡុងពេលរីករាលដាលនៃជំងឺកូវីដ១៩ ដែលកម្មវិធីនេះ ត្រូវបានគេហៅថា “Drive Thru” ឬសម្រាយឲ្យងាយយល់ជាភាសាខ្មែរថា “ជិះកាត់ ចូលទិញ”។ កម្មវិធីនេះ ប្រព្រឹត្តទៅនៅបរិវេណទីក្រុងរណបអភិវឌ្ឍន៍បឹងកក់ លើមហាវិថីស៊ីធីសេនធឺរជិតផ្សារទំនើបអ៊ីដិនហ្គាដិន ចាប់ពីថ្ងៃទី១៥ ខែមីនា ឆ្នាំ២០២១នេះតទៅ វេលាម៉ោង ៨.០០ ដល់១៨.០០។
ដោយសង្កេតឃើញពីតម្រូវការនៃការជាវមីជាតិជាច្រើនតាមរយៈការកម៉្មុង់នៅលើទីផ្សារ និងតាមបណ្តាញសង្គមរបស់មីជាតិ ក្រុមហ៊ុនមីជាតិ បានរៀបចំកម្មវិធីនេះឡើងដើម្បីបង្កជាភាពងាយស្រួលដល់អតិថិជនមីជាតិទាំងអស់ក្នុងការជាវមីជាតិ ដោយចំណេញពេលវេលា និងមានសុវត្ថិភាព ដែលជាមធ្យោបាយមួយក្នុងការការពារខ្លួនពីការរីករាលដាលនៃជំងឺកូវីដ១៩។
កម្មវិធី “Drive Thru” ឬ “ជិះកាត់ ចូលទិញ” ប្រព្រឹត្តទៅក្នុងរូបភាពងាយៗ ដោយអតិថិជនគ្រាន់តែបើកកាត់ស្តង់លក់មីជាតិនៅទីតាំងដែលបានកំណត់ និងមិនចាំបាច់ចុះពីយានយន្តនោះទេ គឺគ្រាន់តែឈប់ចតក្បែរស្តង់មីជាតិ និងប្រាប់នូវចំនួនបរិមាណនៃការជាវ ភ្លាមនោះភ្នាក់ងារលក់មីជាតិនឹងរៀបចំយកជូនដល់យានយន្ត។
មីជាតិ ត្រូវបានគេជឿជាក់ថា ជាស្បៀងអាហារបម្រុងងាយស្រួលក្នុងការចម្អិន និងរក្សាទុក ដែលនិយមប្រើប្រាស់សឹងគ្រប់ពេលវេលា ហើយជាពិសេសនោះក្នុងកាលៈទេសៈអាសន្នជាច្រើន ដូចជាអំឡុងពេលគ្រោះទឹកជំនន់ និងអំឡុងពេលរីករាលដាលនៃជំងឺកូវីដ១៩នៅកម្ពុជា។
ក្រុមហ៊ុនមីជាតិ ជាក្រុមហ៊ុនផលិតមីកញ្ចប់ក្នុងស្រុក និងតែងយកចិត្តទុកដាក់លើសុខុមាលភាពបងប្អូនប្រជាពលរដ្ឋកម្ពុជា។ ក្នុងកាលៈទេសៈនេះ ក្រុមហ៊ុនមីជាតិសូមអំពាវនាវឲ្យប្រជាជនកម្ពុជាយកចិត្តទុកលើសុខភាព និងរក្សាអនាម័យឲ្យបានភ្ជាប់ផ្ជួនដើម្បីការពារខ្លួនពីជំងឺកូវីដ១៩។ មីជាតិ សូមបួងសួងឲ្យកម្ពុជាចៀសផុតពីស្ថានភាពដ៏លំបាកមួយនេះ។
