មីជាតិចូលរួមក្នុងកម្មវិធីជិះកង់សប្បុរសធម៌ដើម្បីកាកបាទក្រហមកម្ពុជា
មន្ទីរពេទ្យគន្ធបុប្ផា និងមន្ទីរពេទ្យកុមារអង្គរ បានព្យាបាលកុមារកម្ពុជារាប់ពាន់នាក់ដោយឥតគិតថ្លៃជារៀងរាល់ថ្ងៃ ប៉ុន្តែដោយសារការរីករាលដាលនៃវីរុសកូវីដ១៩ មន្ទីរពេទ្យទាំងពីរកំពុងខ្វះខាតមូលនិធិ ដើម្បីទ្រទ្រង់មន្ទីរពេទ្យ។
ក្រោមស្មារតីខ្មែរជួយខ្មែរ មីជាតិពិតជាមានកិត្តិយសបានចូលរួមឧបត្ថម្ភធំ ដល់ការគាំទ្រមន្ទីរពេទ្យទាំងពីរ ក្នុងកម្មវិធីជិះកង់សប្បុរសធម៌ ដើម្បីកាកបាទក្រហមកម្ពុជា នៅខេត្តសៀមរាប កាលពីថ្ងៃទី ១៦ -១៨-២១ ខែសីហា ឆ្នាំ២០២០។
គួររំលឹកផងដែរថា កម្មវិធីជិះកង់សប្បុរសធម៌ដើម្បីកាកបាទក្រហមកម្ពុជាខេត្តសៀមរាបនេះ មានការចូលរួមពីសំណាក់សាធារណជនប្រមាណ៤០០នាក់ ដោយចែកចេញជា ៣ក្រុម ក្នុងនោះរួមមានការជិះកង់ចម្ងាយ៣១គីឡូម៉ែត្រ ការជិះកង់ចម្ងាយ២១គីឡូម៉ែត្រ និង ក្រុមអ្នកជិះកង់កម្សាន្តធម្មតាផងដែរនៅតាមតំបន់រមណីយដ្ឋានអង្គរ ។
