មីជាតិ ប្រហុកអាំង ស្លឹកឈូក
មុខម្ហូបទី៦ មានឈ្មោះថា “មីជាតិ ប្រហុកអាំង ស្លឹកឈូក”
គ្រឿងផ្សំ៖
• មីជាតិស៊ុបមាន់ ១ កញ្ចប់
• ប្រហុកសាច់ កន្លះស្លាបព្រាបាយ
• ស្ករត្នោត ២ស្លាបព្រាបាយ
• គល់ស្លឹកគ្រៃ ១គល់
• ម្ទេស ២ផ្លែ
• ស្លឹកឈូក ២សន្លឹក
• ស្លឹកគ្រៃ ២ស្លឹក
• ត្រសក់ ១ផ្លែ
• ពពាយ ២ផ្លែ
របៀបចម្អិន៖
ឥឡូវ យើងមកមើលរបៀបចម្អិនទាំងអស់គ្នា៖
• ជាដំបូង យើងត្រូវស្រុះមីជាតិ ហើយដាក់អោយស្ងួតទឹក
• ជាមួយគ្នានេះដែរ យើងត្រូវត្រៀមលាយគ្រឿងផ្សេងៗជាមួយប្រហុកសិន
• យើងត្រូវដាក់ប្រហុក កន្លះស្លាបព្រាបាយចូលចាន ស្ករត្នោត 2 ស្លាបព្រាបាយ និងម្ទេសហាន់ម៉ត់ចូល ដើម្បីកាត់ជាតិឆ្អាបរបស់ប្រហុក
• បន្ទាប់មក យើងដាក់គ្រឿងស៊ុបមីជាតិ រសជាតិស៊ុបមាន់ពាក់កណ្តាល និងប្រេងរសជាតិរបស់របស់មីចូល រួចហើយយើងត្រូវកូរគ្រឿងអោយបានសព្វល្អមុននឹងដាក់អាំង
• ក្រោយមក យើងយកមីជាតិដែលបានស្រុះរួច មកលាយជាមួយគ្រឿង ហើយដាក់មីចូលក្នុងស្លឹកឈូកដើម្បីអាំង
• បន្ទាប់មកទៀត យើងដាក់ម្ទេសហាន់ពីលើ គល់ស្លឹកគ្រៃ ស្លឹកក្រូចសើចចូល ដើម្បីបន្ថែមក្លិនឈ្ងុយ
• រួចហើយ យើងត្រូវចងកញ្ចប់ស្លឹកឈូក ហើយយកទៅអាំងប្រហែល១០នាទីជាការស្រេច។
បន្ទាប់ពីចម្អិន!
យើងអាចបរិភោគម្ហូបនេះជាមួយបន្លែដូចជា ត្រសក់ និងពពាយជាដើម។ យើងសង្ឃឹមថាបងប្អូន នឹងចូលចិត្តមុខម្ហូបជាមួយមីជាតិ ហើយកុំភ្លេចតាមដានការចម្អិនក្រោយៗទៀត។
Eps6: 《មីជាតិ ប្រហុកអាំងស្លឺកឈូក》
ដល់ពេលស្រក់ទឹកមាត់ទៀតហើយ! 🔥🔥 ថ្ងៃនេះចុងភៅដ៏ចំណានរបស់យើងគឺ Chef កញ្ញា និងបញ្ចេញរូបមន្តថ្មីក្នុងការចម្អិន មីជាតិអោយមានរសជាតិឈ្ងុយឆ្ងាញ់។ មុខម្ហូបពិសេសថ្ងៃនេះគឹ "មីជាតិ ប្រហុកអាំងស្លឹកឈូក" តោះ! នៅចាំអីទៀត រៀនធ្វើម្ហូបដើម្បីក្លាយជាចុងភៅប្រចាំផ្ទះទាំងអស់គ្នា! 🍲#អាថ៍កំបាំងមីជាតិ
Posted by មីជាតិ – Mee Chiet on Sunday, May 17, 2020